Төньяҡ Осетияла - матәм көнө

Беслан мәктәбендәге фажиғәгә 16 йыл тулыуға бәйле Төньяҡ Осетияла матәм көнө булды. Был йәһәттән илдең төрлө урындарында саралар уҙҙы. Мәскәүҙә лә сиркәүҙә теракт эҙемтәһендә һәләк булғандарға йыназа уҡылған, фажиғә ҡорбандарына ҡуйылған һәйкәлгә сәскәләр һалынған.

“Беслан әсәләре” комитеты рәйесе Сусанна Дудиева белдереүенсә, иҫкә алыу тағы ла ике көн дауам итәсәк.

2004 йылдың 1 сентябрендә Беслан мәктәбендә булған фажиғә ил тарихына ҡара тап булып ятты. Террорсылар меңдән ашыу аманатты уҡыу учреждениеһының спортзалында тота. Эсергә лә, ашарға ла бирмәйҙәр. Аманаттарҙы алған саҡта һәм уларҙы азат итеү операцияһы ваҡытында 334 кешенең ғүмере өҙөлә.

Беслан фажиғәһе һөҙөмтәһендә яраланғандарҙың ҡайһы берҙәре әле һаман йәшәү өсөн көрәшә, дауаланыу һәм реабилитация өсөн һәр ваҡыт аҡса талап ителә.

3 сентябрь Беслан теракты ҡорбандарын иҫкә алыуҙың рәсми көнө тип билдәләнелә.

Һуғыш, талаш, террор кеүек яуыз эштәр бер ваҡытта ла яҡшы тамамланмай, бындай бәләләрҙе Хоҙай күрһәтмәһен.

Фото: ИА «Башинформ»

Автор: Рәмилә Мусина

https://bash.rbsmi.ru/articles/antiterror/T-nya-Osetiyala-mat-m-k-n-436157/

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хеҙмәте

83476523285

Редакция

83476523266

Ҡабул итеү бүлмәһе

83476523285

Хеҙмәттәшлек

83476523285

Кадрҙар бүлеге

83476523266