Башҡортостанда торлаҡ-коммуналь хужалыҡ хеҙмәттәре һыуыҡ ҡышҡа әҙерләнә

«Торлаҡ-коммуналь хужалыҡ министрлығының төп бурысы – ҡышҡы миҙгелгә әҙерләнеү. Шуға күрә, әйҙәгеҙ, бының менән ныҡлап шөғөлләнәйек. Синоптиктар ҡыштың һыуыҡ буласағын фаразлай. Беҙ ошо миҙгелде һәйбәт үтергә тейешбеҙ», — тип белдерҙе ул кәңәшмә барышында.

Бынан алда хәбәр ителгәнсә, Башҡортостанда пандемия һәм грипп, ОРВИ эпидемияһы арҡаһында йорттарға һәм социаль объекттарға йылыны иртәрәк бирә башлауҙары ихтимал. Әйтәйек, 15 сентябргә барлыҡ төбәк хеҙмәттәре йылытыу миҙгеленә тулыһынса әҙер булырға тейеш. Өфөлә был ваҡытҡа бөтә социаль учреждениеларға йылы биреү планлаштырыла.

«15 сентябргә йылы биреү өсөн бөтә нәмә әҙер булһын. Тәү сиратта социаль учреждениеларҙы йылыта башлайбыҙ. Барыһы ла һауа шарттарына бәйле», — тип билдәләне баш ҡала мэры Өлфәт Мостафин. Ул шулай уҡ ҡайһы бер медицина учреждениелары урынлашҡан йорттарҙы контролгә алырға ҡушты. Был йорттарға йылы ваҡытынан алда бирелергә тейеш.

https://www.bashinform.ru/news/1487159-radiy-khabirov-sinoptiki-prognoziruyut-bolno-kholodnuyu-zimu/

фото «Башинформ» мәғлүмәт агентлығы