Бөтә яңылыҡтар
Башҡа яңылыҡтар
28 Август 2020, 11:00

Шифаханала ял итеүгә сертификат кемгә бирелә?

Уны алыуға хоҡуҡлы граждандар исемлеге менән Ғаилә, хеҙмәт һәм халыҡты социаль яҡлау министрлығы сайтында танышырға мөмкин.

Хеҙмәт бурыстарын үтәгәндә коронавирус сирен йоҡторған медицина ойошмалары, социаль хеҙмәтләндереү учреждениелары хеҙмәткәрҙәре, ирекмәндәр һәм граждандарҙың башҡа категориялары республика шифаханаларында һаулығын нығыта ала. Башҡортостан Хөкүмәтенең ошо туралағы ҡарарына республика Башлығы Радий Хәбиров ҡул ҡуйҙы.
Шифахана-курорт ойошмаларында сәләмәтлекте нығытыуға сертификаттар республика бюджеты иҫәбенә бирелә. Уны алыуға хоҡуҡлы граждандар исемлеге менән Ғаилә, хеҙмәт һәм халыҡты социаль яҡлау министрлығы сайтында танышырға мөмкин.
Сертификат алыу өсөн ғариза яҙыу шарт.
Фото: mintrud.bashkortostan.ru
Автор: Лилия Давлетбакова
https://bash.rbsmi.ru/articles/kh-ef-e-lek/Shifahanala-yal-ite-g-sertifikat-kemg-birel-429743/
Читайте нас в