БСК-ны яҡлап флешмоб ойошторолдо

“Беҙ заводҡа “Эйе!”, БСК-ға “Эйе!”, Ҡуштау сеймал базаһына “Эйе!” тип әйтергә теләйбеҙ. Бөгөн был яланда күп ҡалалар һәм райондар вәкилдәре йыйылды, содовиктар ғына түгел. Беҙ егерме йыл буйы заводыбыҙ өсөн сеймал проблемаһын хәл итеүҙе көттөк, ул сеймалһыҙ тонсоға. Беҙгә быйыл – 75 йыл. Заводты ата-бабаларыбыҙ һуғыштан һуң төҙөгән. Һәм хәҙер беҙгә сеймал кәрәк, беҙгә артабан йәшәргә, үҫешергә, эшләргә, ғаиләләребеҙҙе ашатырға, Стәрлетамаҡты, республиканы һәм Рәсәйҙе киләсәк менән тәьмин итергә кәрәк”, – ти флешмобта ҡатнашыусылар.

– Беҙ бөгөн хеҙмәттәштәребеҙ менән бында килдек. Документтарға ярашлы Ҡуштауҙағы ятҡылыҡты үҙләштерә башланыҡ. Урындағы кешеләргә ҡайғыраһы түгел. Тау үҙе ҡаласаҡ. Беҙ кариес методы буйынса ипләп кенә эзбизташты аласаҡбыҙ. Ә тирә-яҡтағы кешеләр тыныс ҡына йәшәй һәм ял итә ала. Ә беҙҙең предприятие эшләйәсәк. Һәм миңә элекке кеүек ғаиләмде ашатыу мөмкинлеге буласаҡ, – тине 66-сы контроль-үлсәү приборҙарын ремонтлау цехы мастеры Павел Лазерев.