Мәкерле ауырыуҙан йыраҡ торайыҡ

- Ауырыу башланғандан алып район биләмәһендә барлығы 191 кеше ауырыған. Әлеге ваҡытта 70 кеше күҙәтеү аҫтында, 39 кеше стационарҙа дауалана, 31 ауырыу амбулатор дауаланыу ала, 114 кеше һауыҡҡан. Улар араһында йөклө ҡатындар һәм балалар булмауы яҡшы, әлбиттә.
Ҡыҙғанысҡа ҡаршы, дауаханаға һуңлап мөрәжәғәт итеү сәбәпле, әлеге ваҡытта бер пациент ауыр хәлдә реанимацияла ята. Хәл былай була. Ауырыуҙың ҡатыны ОРВИ диагнозы менән өйҙән тороп тера­певта дауаланыу ала. Табип уларҙың йортона тикшерергә барғанда, ирҙең ҡаты итеп йүткереүен ишетеп, кисекмәҫтән дауа­ханаға барырға тәҡдим итә. Рентге­нография үткән­дән һуң уның үпкәһендә 2-3 дәрәжәләге ике яҡлы пневмония булыуы асыҡлана.Иң аяныслыһы шул - беҙҙең халыҡ үҙ сә­ләмәтлегенә һалҡын ҡарай. Ҡатынға иренең ауырыуы, тиҙ арала дауаханаға һалырға кә­рәк­леге тураһында шылтыратып әйткәс, беҙҙә өмә бара әле, тауыҡ һуябыҙ, тип яуаплауын нисек аңлатырға?

- Ковид-19 инфекцияһы ауырыуына киҫкен респираторлы-вируслы инфекция ауырыуының симптомдары хас. Тән тем­ператураһының 38-39 градусҡа тиклем кү­тәрелеүе, фарингит, ринит, тамаҡ шешеүе, ҡоро йүтәл, баш ауыртыуы, тын алыуы ауыр­лашыуы кеүек билдәләр тойғанда, участ­ка терапевын йортҡа саҡыртырға кәрәк. Табип ауырыуҙың хәлен тикшер­гәндән һуң арта­бан нисек дауаларға хәл итә. Дауаханаға һалыу кәрәк булмаған осраҡта, коронавирус инфекцияһы диагнозы булыу-булмауы раҫ­ланғансы пациент киҫкен респираторлы-вируслы инфекцияһы диагнозы менән 14 көнгә үҙ аллы изоляцияға ебәрелә, был ва­ҡыт эсендә эшләгән кешеләргә боль­ничный ҡағыҙы асыла. Шуныһы аяныс, ҡайһы бе­рәүҙәр был осорҙа кешеләр менән ара­ла­шыуын һәм эшкә йөрөүҙәрен дауам итәләр. Шулай, районда маршрут автобусының во­дителе ауыры­ғандан һуң да руль артында йөрөгән...

“Тиҙ ярҙам”ды тән температураһы 38 градустан артҡанда, экстрен ярҙамға мохтаж булғанда ғына саҡыртырға мөмкин. Хәҙер һәр бер “Тиҙ ярҙам” машинаһында, ҡабул итеү пункттарында, участка терапевтарында бармаҡ аша кислород етешеүен (сатурация кислорода) үлсәй торған аппараттар бар. Әгәр ауырыуҙа кислород етешеүе 90 про­центтан әҙ, быуылыу 22 проценттан күберәк булһа, уның хәле киҫкен һанала һәм тиҙ арала дауаханаға һалыу талап ителә. Өл­кән­дәрҙә кислород етешеүе 95-100 процент тәшкил итергә тейеш.

- Коронавирус инфекцияһын нисек билдәләргә була?

(Дауамын гәзиттән уҡығыҙ).

Гөлсәсәк Аласоваәңгәмәләште.