Даирә
-24 °С
Болотло
75 лет Победы
Бөтә яңылыҡтар
Башҡа яңылыҡтар
14 Август 2020, 11:52

Ике йыл элек юғалған студентты яңынан эҙләйҙәр

2018 йылдың 30 ғинуарында Өфөлә серле шарттарҙа 22 йәшлек студент Артур Ғәзиев юғалғайны. Өфө дәүләт нефть техник университеты студенты Менделеев урамындағы өйө янындағы магазинға тип кенә сыҡҡан һәм шул саҡтан бирле уны бер кем дә күрмәгән.

Телефондан башҡа ул үҙе менән бер нимә лә алмаған.
Артур юғалған саҡта, 2,5 йыл элек уның апаһы Аида был ваҡиға тураһында “КП-Уфа” баҫмаһына түбәндәгеләрҙе һөйләгән.
– Ул бер, ике көнгә сығып киткәне бар ине, ул саҡта һәр ваҡыт үҙе менән әйберҙәрен, ҡолаҡсындарын ала ине. Ул даими рәүештә интернетта күренә, телефонын тоҡандырып ала торғайны. Ә был юлы планлаштырылған сығып китеүгә оҡшамаған: портфеле өйҙә, бер тапҡыр ҙа телефонын тоҡандырманы. Ноутбугы ла өйҙә ята, – тигән Аида.
Әле Артурҙы “Поиск детей – Уфа” ирекмәндәре эҙләй. Улар ниндәй сәбәп менән 2,5 йыл элек юғалған кешене яңынан эҙләй башларға булғандыр, билдәһеҙ. Бәлки уларҙа яңы мәғлүмәттәр барҙыр.
Егеттең билдәләре шундай: буйы 170 сантиметр самаһы, ҡаҡса кәүҙәле, күҙҙәре йәшел төҫтә, сәстәре ҡара, оҙоная башлаған. Юғалған көнөндә ҡара-күк куртка, зәңгәр джинсы салбар, ҡара осло көрән ботинки кейгән.
Артурҙың ҡайҙалығы тураһында мәғлүмәттәрегеҙ булһа, 8-927-969-89-19 йәки 02, 102 телефондарына шылтыратығыҙ.
Фото: социаль селтәрҙәр.
Автор: Альфия Мингалиева
Читайте нас в