ЮХХДИ-ла — үҙгәрештәр

«Башҡортостан Республикаһы буйынса эске эштәр министры бойороғо менән Бөрйән районының Юл хәрәкәте хәүефһеҙлеге дәүләт инспекцияһы начальнигы вазифаһына полицияның өлкән лейтенанты Рафаэль Мостафин тәғәйенләнде», — тип хәбәр итте ведомство етәксеһе.

Рафаэль Мостафин эске эштәр органдарында хеҙмәт итеүен 2006 йылда Өфөнөң юл-патруль хеҙмәте полкында башлай. 2016 йылдан Рәсәй Эске эштәр министрлығының Бөрйән районы буйынса бүлегенең ЮХХДИ бүлексәһендә юл-патруль хеҙмәте инспекторы һәм өлкән юл-патруль хеҙмәте инспекторы вазифаһында эшләй.