Лилиә Ишемйәрова тыуған көнөн ниндәй яңылыҡтар менән ҡаршылай?

Бөгөн танылған йырсы, Хөсәйен Әхмәтов исемендәге Башҡорт дәүләт филармонияһы солисы, халыҡ-ара һәм республика конкурстары лауреаты, Башҡортостандың атҡаҙанған артисы Лилиә Ишемйәрова тыуған көнөн билдәләй.

Йырсы быйылғы тыуған көнөн бик матур ваҡиғалар, күңелле яңылыҡтар менән ҡаршы ала.

“Тыуған көндө ҡаршы алыу йылдан-йыл күңелле: бөгөн социаль селтәрҙәр һәм телефон аша шул тиклем күп ҡотлауҙар ҡабул итәм! Ижадымды ҙурлаған, уның менән ҡыҙыҡһынған, ҡотлаған туғандарыма, дуҫтарыма, тамашасыларыма ҙур рәхмәтлемен!” – ти йырсы.

Күптән түгел Урал менән Лилиә ҡайны-ҡәйнә булыу бәхетен кисергән. “Ҡыҙыбыҙ Зөлхизәнең никахын үткәрҙек, матур башҡорт ғаиләһенә килен булып төштө. Кейәүебеҙ ҡайныһының аҙашы – Урал исемле”, - тип күңелле яңылыҡтары менән уртаҡлашты Лилиә.

Әлеге мәлдә йырсы тағы ла матур хәстәрҙәр менән мәшғүл: ғаиләһе менән тыуған яғы - Ейәнсураға, ғәзиз әсәһе янына ҡайтып, ярҙам итеп, бер ыңғай ял итеп килмәксе.

Яратҡан йырсыбыҙҙы тыуған көнө менән ҡотлап, иҫәнлек-һаулыҡ, ғаилә именлеге, яңынан-яңы ижади ҡаҙаныштар теләйбеҙ!

Фото: Л. Ишемйәрованың социаль селтәрҙәге сәхифәһенән.

Автор: Гөлдәр Яҡшығолова

https://bash.rbsmi.ru/articles/-bi-t-m-m-ni-t/Lili-Ishemy-rova-tiu-an-k-n-n-nind-y-ya-ili-tar-men-n-arshilay-372914/

Башҡортостан гәзите сайтынан алынды

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хеҙмәте

83476523285

Редакция

83476523266

Ҡабул итеү бүлмәһе

83476523285

Хеҙмәттәшлек

83476523285

Кадрҙар бүлеге

83476523266