Башҡортостанда Берҙәм дәүләт имтиханының тәүге һөҙөмтәләре әҙер: мәктәп тамамлаусылар 100 балл йыйған

Республиканың Мәғариф министрлығында тәүге һөҙөмтәләр иғлан ителде. Ведомствола билдәләүҙәренсә, география һәм әҙәбиәт буйынса имтихан һөҙөмтәләре уртаса балдың, юғары һәм йөҙ балға яҙылған эштәр һанының артыуын күрһәткән. Шулай итеп, республикала иң юғары балл алған уҡыусылар һаны 2019 йыл менән сағыштырғанда икәүгә күберәк.

3 июлдә 352 кеше географиянан һынау тотҡан, уларҙың етәүһе – 100 балл, 46-һы 81 һәм унан юғарыраҡ балл йыйған.

774 имтихан биреүсенән өс ун беренсе класс уҡыусыһы әҙәбиәттән юғары балға яҙған. 40 уҡыусы 81 һәм унан күберәк балл йыйған.

Информатика һәм ИКТ буйынса имтиханда 3070 кеше ҡатнашҡан, 564 кеше 81 һәм унан юғарыраҡ балл йыйған.

Фото: Олег Яровиков