Бөгөн яҙғы-йәйге саҡырылыш тамамланды

Рәсәй Президенты Указына ярашлы, быйыл граждандарҙы хәрби хеҙмәткә саҡырыу 1 апрелдән 15 июлгә тиклем уҙғарылды. Башҡортостандың хәрби комиссары Игорь Харченко әйтеүенсә, коронавирус сиренең таралыуына юл ҡуймау маҡсатында Хәрби комиссариат тейешле сара күрҙе. Һауа судноларында, поездарҙа һәм автобустарҙа алдан уҡ дезинфекция үткәрелде. Граждандарҙы хеҙмәт итеү урынына ебәрер алдынан коронавирусҡа тест яһалды.

Мәғлүм булыуынса, яҙғы саҡырылышта егеттәр араһында сирлеләр теркәлмәне. Хәрби частарға яңы килгәндәр өсөн карантин саралары (кәмендә 14 көнлөк) ойошторола. Был осорҙа личный состав айырым казармаларға урынлаштырыла, туҡланыу һәм уҡыуҙар ҙа башҡа хәрбиҙәрҙән айырым үткәрелә, уларҙың һаулығы даими тикшерелә.

Фото: ИА «Башинформ»