Башҡортостанға күптән көтөлгән йәйге йылы килә

Башҡортостанда июлдә йылыта, тип фаразлай Башгидрометүҙәк синоптиктары. Аҙна аҙағында төбәккә көньяҡ-көнбайыштан йылы һауа массаһы килә. Төндә температура +12,+17, көндөҙ иһә +23,+27 градусҡаса күтәрелә. Урыны менән йәшенле ямғыр яуа.

Киләһе аҙнала юғары баҫым көсәйә, яуым-төшөм туҡтай. Дөйөм алғанда, июлдә температураның нормаға ярашлы (уртаса тәүлек +18,4), ә яуым-төшөмдөң норманан аҙыраҡ булыуы көтөлә (60-70 миллиметр).

Республикала июндең һуңғы декадаһы һалҡын – уртаса тәүлек һауа температураһы ғәҙәттәгенән 3-6 градусҡа түбән булды, тауҙарҙа һәм уйһыу урындарҙа ҡырау төштө. Бындай күренештәр йышыраҡ июнь башында күҙәтелә.

https://www.bashinform.ru/news/1468814-v-bashkiriyu-idet-dolgozhdannoe-letnee-teplo/