Даирә
+10 °С
Болотло
Бөтә яңылыҡтар
Башҡа яңылыҡтар
1 Июль 2020, 23:50
“Бейеүсе торналар”ға кил!
Мәғлүм булыуынса, #ТерриторияПоэзии яңы ижади проекты артистары Өфөлә Халыҡ-ара урбанистика форумы ҡунаҡтарын сәләмләгәйне.
Ә был йома, 3 июлдә, теләге булған һәр кеше ситтән саҡырылған шағирҙарҙың һәм “Оперение/Хахачу” ижади үҫеш студияһы артистарының сығышын ҡарай ала. Был көндә киске сәғәт 6-нан 9-ға тиклем яңы ғына асылған “Бейеүсе торналар” фонтаны янында шиғриәт кисәһе дауам итәсәк.
Пандемиянан һуң Башҡортостандың баш ҡалаһында уҙғарылған тәүге офлайн-форумда #ТерриторияПоэзии импровизацияланған сәхнәһе ойошторолғайны. Унда Мостай Кәримдең ейәне Тимербулат Кәримов, Башҡортостандың Мостай Кәрим исемендәге Милли йәштәр театры, Өфөнөң йәш тамашасылар театры актерҙары, республика шағирҙары, шиғриәт һөйөүселәр сығыш яһаны.
Әйткәндәй, #ТерриторияПоэзии Президент гранттары фондынан ярҙам алған “Ҡатын-ҡыҙ бәхете биләмәһе” республика проектының бер өлөшөнә әүерелде.
Фото: bashinform.ru
Автор: Лилия Давлетбакова
https://bash.rbsmi.ru/articles/-bi-t-m-m-ni-t/Beye-se-tornalar-a-kil-348194/
Читайте нас: