"Шунса түләһәгеҙ..."

Башҡортостанда Мәскәү һалым инспекцияһы хеҙмәткәрен 1750000 һум күләмендә ришүәт алғанда тотҡандар.

Башҡортостан буйынса Тәфтиш комитетынан хәбәр итеүҙәренсә, ир эре эшҡыуарҙар менән эш алып барған һалым инспекцияһында хеҙмәт иткән. Быйыл майҙа ике ҙур фирма директорына 1750000 һум дәртләндереү хаҡына тикшереүҙе тулы кимәлдә үткәрмәҫкә тәҡдим иткән. Эшҡыуар ҡатын иһә хоҡуҡ һаҡлау органдарына мөрәжәғәт иткән.

Һөҙөмтәлә 23 июндә һалым инспекторы ришүәт алғанда ҡулға алына. Әлеге мәлдә Башҡортостан буйынса Тәфтиш идаралығының айырыуса мөһим эштәрҙе тикшереү буйынса бүлеге енәйәтте тикшерә.

Фото: ufatoday.ru

Автор: Рәмилә Мусина

https://bash.rbsmi.ru/articles/s-y-s-t-m-kho-u/Shunsa-t-l--ge-342558/

Читайте нас: