Һигеҙ йәшлек балалар һәйкәлде емергән

Татарстандың Йәшел үҙән районындағы Күгәй ауылында Советтар Союзы Геройы Хәлил Хәйруллинға ҡуйылған бюсты емереп киткәндәр. Был насар эште һигеҙ йәшлек ике малай ҡылған, уларҙың береһе Башҡортостандан булып сыҡҡан.

Һигеҙ йәшлек мәктәп уҡыусыһы Татарстанда йәшәгән өләсәһе янына ҡунаҡҡа барған.

Малайҙарҙың береһе бюст урынлаштырылған постаментҡа менеп, бер нисә тапҡыр һуғып ҡарай, ул ярылмағас, ҡулына таш ала. Был хаҡта “КП-Татарстан” хәбәр итә.

Был хәл вандализм осрағы булараҡ баһаланып, енәйәт эше асылған. Ике бала ла социаль йәһәттән яҡшы мөхиттәге ғаиләнән. Прокуратура малайҙарҙың ата-әсәһен яуаплылыҡҡа тарттырырға иҫәп тота.

Урындағы етәкселек Геройҙың бюсын яңынан тергеҙеп, был юлы уны бронзанан ҡойорға уйлай.

Фото: Татарстан прокуратураһы.

Автор: Гөлдәр Яҡшығолова

https://bash.rbsmi.ru/articles/y-m-i-t/ige-y-shlek-balalar--yk-lde-emerg-n-338166/

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Телефон

8(34765) 2-32-85

Электрон почта