Бөтә яңылыҡтар
Башҡа яңылыҡтар
21 Июнь 2020, 20:25

Беҙҙең 15 табипҡа – иң юғары наградалар

Бөгөн, Медицина хеҙмәткәрҙәре көнөндә, Рәсәй Президенты Владимир Путин коронавирусҡа ҡаршы көрәшкә индергән өлөштәре һәм һөнәри бурыстарын үтәгәндә күрһәткән фиҙакәрлектәре өсөн бер төркөм медицина хеҙмәткәрҙәрен наградлау тураһында указға ҡул ҡуйҙы. Был хаҡта документ Кремль сайтында баҫылды.

Юғары наградаларға лайыҡ булғандар араһында Башҡортостандан 15 вәкил бар. Шул иҫәптән республиканан туғыҙ табип Пирогов орденына, дүрт табип “Тыуған ил алдындағы ҡаҙаныштары өсөн” II дәрәжә орден миҙалына лайыҡ булһа, ике табипҡа Ҡырым Лукаһы миҙалы бирелде.
Мәғлүм булыуынса, быйыл 19 июндә Рәсәй Президенты илдең хәрби-ялан хирургияһына нигеҙ һалған Николай Пирогов хөрмәтенә – Пирогов ордены, ә хирург, Симферополь һәм Ҡырым архиепискобы Лука хөрмәтенә Ҡырым Лукаһы миҙалын булдырыу тураһында указға ҡул ҡуйҙы.
Фото: “Башинформ”.
Автор: Рәмилә Мусина.
Читайте нас в