Салауат Юлаев премияһына эштәр ҡабул ителә башланы

Эштәр 15 июндә ҡабул ителә башланы һәм 15 июлгә тиклем дауам итәсәк. Бөгөн һәр премияның күләме 500 мең һум тәшкил итә.

Салауат Юлаев исемендәге өс премия ике йылға бер тапҡыр иң талантлы, яңы һәм үҙенсәлекле әҙәбиәт, сәнғәт һәм архитектура әҫәрҙәре өсөн бирелә. Улар йәмәғәтселек тарафынан танылырға һәм Башҡортостан мәҙәниәтенә, сәнғәтенә ҙур өлөш индерергә тейеш.

Конкурсҡа эштәр әҙәбиәт өлкәһендә тапшырыу ваҡытынан ярты йыл алда матбуғатта баҫылған әҫәрҙәр, сәнғәт өлкәһендә – халыҡ алдында башҡарылған, архитектура өлкәһендә файҙаланыуға тапшырылған эштәр ҡабул ителә.

Комиссия тарафынан конкурсҡа ебәрелгән әҫәрҙәр исемлеге республика матбуғатында баҫылып сыға.

Фото: bash.news