Даирә
-19 °С
Болотло
75 лет Победы
Бөтә яңылыҡтар
Башҡа яңылыҡтар
17 Июнь 2020, 11:58

Бәләкәй предприятиеларға тағы бер ярҙам

Коронавирус пандемияһы тормошобоҙҙоң бөтә өлкәләренә лә үҙгәрештәр индерҙе. Иҡтисад ҙур зыян күрә. Айырыуса, бәләкәй һәм урта предприятиелар өсөн ауыр әлеге осор.

Тик беҙҙең Хөкүмәт тә ҡул ҡаушырып ултырмай. Төрлө ярҙам саралары тәҡдим итеп тора. Уларҙың сираттағы тураһында Башҡортостан Хөкүмәте Премьер-министрының беренсе урынбаҫары Андрей Назаров һөйләне.
– Бөгөн бәләкәй һәм урта предприятиеларға ярҙам итеүҙең тағы бер формаһын ҡулланырға булдыҡ. Тышҡы баҙарға сыҡҡандарға гранттар биреләсәк. Экспорт – ул иҡтисади үҫешкә тура юл, быны кешелек тарихы бер нисә быуат дауамында дәлилләй. Шуға күрә беҙҙең бөгөнгө ҡарарыбыҙ ике плюстың берҙәмлеге – ауыр хәлдә ҡалған бәләкәй предприятиеларға ярҙам һәм республиканың экспорт потенциалын үҫтереү, - тине ул.
Фото: Башҡортостан Хөкүмәте сайты.
Автор: Альфия Мингалиева
Читайте нас в