Дыуанда – фажиғә...

Ҡыҙғанысҡа ҡаршы, йәмле йәйҙең күңелле көндәрен һыуҙағы фажиғәләр боҙа, ғаиләләргә оло ҡайғы алып килә.

Кисә һыуҙа дүрт кешенең ғүмере өҙөлгән. Дим йылғаһында 43 йәшлек ир, Асылыкүлдә 29 йәшлек егет, Ағиҙелдә әлегә кем булыуы билдәһеҙ ир батҡан. Октябрьский ҡалаһы кешеләре күлдә һыу ингәндә батҡан 47 йәшлек ирҙе ҡотҡарырға тырышып ҡараһа ла, булдыра алмай.

Ғәҙәттән тыш хәлдәр министрлығының Башҡортостан буйынса Баш идаралығы республика халҡын һыу объекттарында булғанда хәүефһеҙлек ҡағиҙәләрен үтәргә, балаларҙың яңғыҙын ҡалдырмаҫҡа, спиртлы эсемлектәр ҡулланмаҫҡа саҡыра. Йорттарыбыҙға ҡайғы ҡунмаһын өсөн ошо ябай ғына ҡағиҙәләрҙе үтәү ҙә етә, бары уларҙы һанға һуғырға кәрәк.

Фото: Башинформ

"Башҡортостан" гәзите сайтынан алынды