22 июндә Өфөлә Бөйөк Ватан һуғышы фронтовиктарына һәйкәл асыла

22 июндә Өфө тимер юл вокзалы биләмәһендә Бөйөк Ватан һуғышы йылдарында фронтҡа киткән яҡташтарыбыҙға һәйкәл асыла. Был хаҡта бөгөн республика ветерандарының йәмәғәт ойошмалары вәкилдәре менән онлайн-осрашыуҙа Башҡортостан башлығы Радий Хәбиров белдерҙе.

«Һәйкәл әҙер. Ул бик матур. Беҙ уны 22 июндә — Бөйөк Ватан һуғышы башланған көндә асабыҙ. Был символик мәғәнәгә эйә тип уйлайым һәм уны кисектерергә теләмәйбеҙ», — тине Хәбиров республика ветерандар советы рәйесе Валерий Шәриповтың һорауына яуап итеп.

Сарала ветерандарҙың ҡатнашыуы йәһәтенән республика башлығы бының эпидемиологик хәлгә бәйле булыуын әйтте. «Ҡунаҡтар һаны сикле булыр, моғайын», — тип билдәләне ул.

«Быларҙың барыһы ла һеҙҙең именлек өсөн эшләнә. Беҙ Еңеүҙең 75 йыллығына бик күп саралар планлаштырғайныҡ. Сентябрҙә Икенсе донъя һуғышының тамамланыу йыллығын һеҙҙең менән бергә үткәрербеҙ тип уйлайым», — тип белдерҙе Хәбиров.

Алдан хәбәр ителгәнсә, Башҡортостандан фронтҡа киткән хәрби частар хөрмәтенә һәйкәл бронзанан ҡойолған. Ул төрлө милләт кейемендәге ете һындан тора һәм республикабыҙҙың күп милләтле булыуын символлаштыра.

Белешмә.

Бөйөк Ватан һуғышы йылдарында республиканан 700 меңдән ашыу кеше фронтҡа киткән, уларҙың 300 меңдән ашыуы әйләнеп ҡайтмаған.

https://www.bashinform.ru/bash/1460156/

«Башинформ» мәғлүмәт агентлығы

Читайте нас:

Новости партнеров

Синоптиктарға ышанырғамы, Рәйес бабайғамы?

“Җиде бала үстек әткәй белән...”

О чём говорят немые колонны Уфы

Телефон

8(34765) 2-32-85

Электрон почта