Туймазы ҡалаһында 13 йәшлек ҡыҙ балалар майҙансығында бәүелгәндә бәүелсәккә ҡыҫыла. Уға ярҙамға ололар килә, әммә сығара алмайҙар, ҡотҡарыусыларҙы саҡырырға тура килә.
Авария-ҡотҡарыу хеҙмәте хеҙмәткәрҙәре махсус ҡорамалдар менән тимер бәүелсәкте ҡырҡып, ҡыҙҙы бәләнән аралай, уға медицина ярҙамы талап ителмәй.
Балалар майҙансыҡтарын урынлаштырғанда иң тәүҙә хәүефһеҙлек тәьмин ителергә тейешлеге тураһында күп әйтелә, шуға ҡарамаҫтан, күңелһеҙ хәлдәр күҙәтелеп тора. Балалар хәүефһеҙлеге ололар намыҫында икәнлеген онотмаһаҡ ине.