Белореттар... кәстрүл өсөн талаша

Социаль селтәрҙә йөрөгән видеояҙмала асылыр алдынан магазин ишеге алдында бер нисә тиҫтә кеше йыйылғаны күренә. Коронавирус инфекцияһы таралмаһын өсөн индерелгән үҙ-ара социаль аралыҡты тотоуҙы һәм битлек кейеү тәртибен онотоп, халыҡ тура мәғәнәһендә һатыу нөктәһен штурмлай унда. "Теләһә ниндәй вирустар килер ҙә китер, ә бына осһоҙло кәстрүл ейәндәребеҙгә лә хеҙмәт итер", - тип яҙалар социаль селтәрҙә.

Хәҙер тейешле органдарҙың һатыу нөктәһе хужаларына хәл белешергә килергә һәм санитария-эпидемиологик нормаларҙың үтәлешен тикшерергә нигеҙ бар.

Фото: Стоп-кадр видео