Башҡортостанда ял көндәрендә ямғырлы һәм йылы була

Башҡортостанда алдағы ял көндәрендә бер аҙ ямғыр яуыуы фаразлана.

Башгидрометүҙәк мәғлүмәттәре буйынса, шәмбе, 16 майҙа, республикала ҡыҫҡа ваҡытлы ямғырҙар көтөлә. Ел көньяҡ-көнбайыштан талғын. Һауа температураһы төндә +5, +10, көндөҙ +12, +17 градус була.

Йәкшәмбе, 17 майҙа, урыны менән ҡыҫҡа ваҡытлы ямғыр яуа. Ел төньяҡтан талғын. Термометр бағанаһы төндә +2, +7, көндөҙ +13, +18 градус күрһәтә.

Йома, 15 майҙа, көндөҙ яуым-төшөмһөҙ. Ел төньяҡ-көнбайыштан, көнбайыштан талғын. Һауа температураһы төндә +15, +20 градус була.

http://www.bashinform.ru/bash/1450418/

фото Т.Роза

«Башинформ» мәғлүмәт агентлығы