Халыҡ берҙәмлегендә – Еңеү!

Әлеге мәлдә донъяла күп кенә төрлө фекер алышыуҙар һәм тәнҡит булыуға ҡарамаҫтан, илебеҙҙә ысын мәғәнәһендә­ге илһөйәрлек һәм берҙәмлек күҙәтелә. Халҡыбыҙ йөрәктәрен ғорурлыҡ һәм өмөт менән тул­тырыусы күп миҫалдар менән дә раҫлана.

Яҡташтарыбыҙҙың төрлө хәйриә акцияларында һәм кон­церттарында әүҙем ҡатнашыуы ла ошондай оло ярҙам сарала­рының иң сағыу миҫалдарының береһе булып тора.

Олокүл ауылының мәҙәниәт йорто хеҙмәткәрҙәре “Халыҡ берҙәмлегендә – Еңеү” тип аталған хәйриә концерты ойошторҙолар. Ул Ватанды һаҡлаусы­лар, Махсус хәрби операцияла ҡатнашыусыларға һәм уларҙың ғаилә ағзаларына ярҙам итеү йылдарын асыуға арналды.

Илһөйәрлек тойғоһо менән һуғарылған сараға ауыр ваҡыт­тарҙа илебеҙ тыныслығы һағын­да тороусыларға ярҙам итергә теләгән һәм бар көсөнән ярҙам итергә әҙер булған яҡташтар йыйылды.

Мәҙәниәт хеҙмәткәрҙәре иһә сәхнә түрендә илһөйәр­лек һәм Ватанға һөйөү рухын күтәрҙе.

Концерт программаһын “7 нота” вокаль-инструменталь ансамбле “Һалдат” йыры менән асты. Тамашасылар залында рух берҙәмлеге мөхите хаким­лыҡ итте. Тыуған илгә һөйөү тураһындағы йырҙарҙы һәм шиғырҙарҙы, халыҡ бейеүҙәрен, ғөмүмән, һәр сығышты тамаша­сылар дәррәү алҡыштар менән ҡаршы алды һәм оҙатып ҡалды.

Олокүл мәҙәниәт йортон­да үткән бер сара ла беҙҙең та­лантлы ауылдаштарыбыҙҙың – “Бәләкәс” балалар баҡсаһы тәрбиәләнеүселәре, мәктәп уҡыусылары, Балалар сәнғәт мәктәбенең “Йәйғор” бейеү коллективы, Ильяс Йосопов, Валентина Емсина, Рима Ғә­зизова, Рәзилә Сәлимова, Рәй­лә Латипова, Зөһрә Вәхитова, Йондоҙ Бикташева, Игорь Ба­ранченко, Зөлфиә Абдуллина, “Ләйсән” вокаль коллективы сығыштарынан тыш үтмәй.

Мәҙәниәт йорто фойеһын­да Балалар сәнғәт мәктәбе уҡыусыларының илһөйәрлек темаһына бағышланған һүрәт­тәре, “Патриот” штабының күр­гәҙмәһе ҡуйылды.

Еңеү өсөн эшләнгән һәр беребеҙҙең өлөшө, һәр бер һүҙ һәм эш – ул дөйөм маҡсатҡа аҙым. Бындай берҙәмлек – иле­беҙҙең ысын байлығы, һәм нәҡ шул беҙҙе көслөрәк итә! Беҙҙең хәйриә концерты шундай уйҙар менән йомғаҡланды.

Тамашаны алып барыусы­лар сарала әүҙем ҡатнашыусы­ларҙың барыһына ла рәхмәт бел­дерҙе. Был концертта йыйылған аҡса (13910 һум) һәм башҡа бар­лыҡ әйберҙәр махсус хәрби опе­рацияға ярҙам итеү өсөн “Па­триот” штабына тапшырылды.

Ләйсән НӘЗИРОВА,

Олокүл ауыл мәҙәниәт йортоноң мәҙәни

ойоштороусыһы.