Бында ысындан да тынғыһыҙ, уңған, булдыҡлы хужалар йәшәгәне күренә. Ир урамда ниҙер эшләп йөрөй ине. Йортҡа индек, бында уңайлы шарттар тыуҙырылған заманса бүлмәләр. Һәр нимә үҙ урынында, тәртип һәм бөхтәлек күҙгә ташлана. Аш-һыу бүлмәһендә хужабикә һөт айырта ине.
Пар күгәрсендәр кеүек
Бер ауылда тыуып үҫкән Сәлимә Юныс ҡыҙы һәм Фәнис Ғәли улы бер-береһен бала саҡтан уҡ беләләр. Улар бер мәктәптә уҡып, дуҫ булып үҫә, шуға тормошҡа ҡараштары ла тап килә.
Егет армиянан ҡайтҡас, йәштәр ата-әсә фатихаһын алып, йыл ярымдан сәстәрен сәскә бәйләйҙәр. Ике йәш йөрәк матур хыялдар менән ең һыҙғанып, тырышып донъя көтөп китә. Тәүҙә иҫкерәк өй һатып алып йәшәй башлайҙар. Бында бер-бер артлы ике улдары донъяға килгәс, тормоштары тағы ла матурланып китә. Шунан тырышып, ҙур йорт һалып сығалар. Һәр эште бергә кәңәшләшеп башҡара улар. Шуға ла донъялары матур, һоҡланырлыҡ.
Ғүмер йылдары ағымһыуҙай ағыла. Был йылдар эсендә күпме юлдар үтелгән, яңылыҡтар, үҙгәрештәр була. Берҙәм, уңған ғаилә замана елдәре килтергән ауырлыҡтарҙы лайыҡлы үткәреп, еңеп, алға бара. Хәҙер бар нимә лә етеш, тормоштары түңәрәк уларҙың. Тырышҡан кешеләр барыһын да булдыра шул. Ғилмановтар ғаиләһе дүрт тиҫтә йылдан ашыу бер бөтөн һәм бер-береһенә ныҡлы терәк булып йәшәй.
Эйе, бер-берең менән аңлашып, кәңәшләшеп, тырышып йәшәмәһәң, уңыштарға ирешеп булмайҙыр. Ояһында ни күрһә, осҡанында шул булыр, тигәндәй, улдары ата-әсә өлгөһөндә матур тәрбиә алып үҫеп, үҙҙәре лайыҡлы тормош көтә.
- Тормош булғас, төрлө саҡтар була. Балаларҙы үҫтергәндә ауырлыҡтар ҙа, аҡсаһыҙлыҡ та бар ине. Барыһы ла үтте. Улдарыбыҙ үҙҙәренә оҡшаған һөнәрҙәр алып, ғаиләләре менән йәшәйҙәр. Улар хәл белергә, ярҙам итергә ҡайтып торалар. Балаҡайҙарыбыҙҙың уңыштарына һөйөнөп, ейән-ейәнсәрҙәрҙе һөйөп йәшәүе ҙур бәхет, - ти Сәлимә Юныс ҡыҙы.
Уның һүҙҙәренә ғаилә башлығы ҡушыла:
- Үҙ-ара мөнәсәбәттәр, берҙәмлек, бер-береңә ышаныс аңлашыуға нигеҙләнә. Шул саҡта ғына һәр кем бәхетле, - ти ул.
Изге һөнәр эйәһе
Сәлимә Юныс ҡыҙы - Алайғыр табиплыҡ амбулаторияһы хеҙмәткәре. Ул Салауат медицина училищеһында шәфҡәт туташына уҡып, йүнәлтмә буйынса районға ҡайта. Район үҙәк дауаханаһының терапия бүлексәһендә һөнәре буйынса эшләй. Өс йылдан һуң уның тырышлығын, эште еренә еткереп башҡарыуын күреп, өлкән шәфҡәт туташы итеп тәғәйенләйҙәр. Көсө ташып торған йәш белгес баштан аяҡ эшкә сума. Артабан яңылыҡҡа ынтылған, яңы ерҙәрҙе күрергә теләгән ҡыҙ Нефтекама ҡалаһына китеп, ҡала дауаханаһының реанимация бүлексәһендә йылдан артыҡ эшләп өлгөрә. Дуҫлашып йөрөгән егете Фәнис Ғәли улы ҡулын һоратҡас, тыуған ауылына ҡайтырға тура килә. Нисек кенә булмаһын, тыуған яҡ та барыбер үҙенә тарта. Алайғыр дауаханаһына урынлаша, аҙаҡ тәжрибәле тип процедура бүлмәһенә алалар. Артабан оҙаҡ йылдар өлкән шәфҡәт туташы булһа, хәҙер 29 йыл инде участка терапевының уң ҡулы. Әле лә ул эшенән йәм һәм тәм табып эшләй.
- Заман башҡа, заң башҡа, тигәндәй, һәр осорҙа үҙгәрештәр була. Элек эш икенсерәк ине. Ҡайнатылған системалар, уколдар менән эшләнек. Хәҙер документация күп. Нисек кенә булмаһын, бурысыбыҙ – кешеләрҙе дауалау. Эшемде бик яратам. Ҡанға һеңгән – бына һаман хеҙмәтемде дауам итәм. Бына 1 августа дөйөм эш стажыма 46 йыл була, - ти ул.
Изге һөнәр эйәһе үҙ бурысын яҡшы үтәүе, кешеләргә ихлас, алсаҡ булыуы менән ихтирам ҡаҙана.
Сәлимә Юныс ҡыҙы эшендә яҡшы белгес булһа, ғаиләһендә йорт усағын һаҡлаусы хужабикә. Уның бөхтәлеген, аш-һыуға оҫталығын һәр кем белә. Ҡул эштәрен дә яратып башҡара. Элек әйбер бик булмағанлыҡтан, ғаилә ағзаларының һәр береһенә кофталар бәйләп кейҙереп тора.
Әйткәндәй, Сәлимә Юныс ҡыҙы күп балалы ғаиләлә иң кесеһе була. Атаһы Юныс Әғзәм улы ветеринария фельдшеры була, әсәһе Асия Солтанғәле ҡыҙы колхозда төрлө эштәрҙә – баҫыуҙарҙа сөгөлдөр үҫтерә, тауыҡ фермаһында, ырҙын табағында эшләй, ашханала ашарға бешерә. Ата-әсә көнө буйы эштә булғанда бар эш балаларға төшә. Кескәй саҡтан хеҙмәткә һөйөү һалына. Атаһының малдарҙы дауалауы, дарыуҙар, ветеринария инструменттары ҡыҙыҡ тойола, өйҙәрендә йыш ветеринар йыйылыуы оҡшай. Бәлки, быларҙың барыһы ла ошо һөнәрҙе һайларға этәргес булғандыр.
Пар күгәрсендәр кеүек
Бер ауылда тыуып үҫкән Сәлимә Юныс ҡыҙы һәм Фәнис Ғәли улы бер-береһен бала саҡтан уҡ беләләр. Улар бер мәктәптә уҡып, дуҫ булып үҫә, шуға тормошҡа ҡараштары ла тап килә.
Егет армиянан ҡайтҡас, йәштәр ата-әсә фатихаһын алып, йыл ярымдан сәстәрен сәскә бәйләйҙәр. Ике йәш йөрәк матур хыялдар менән ең һыҙғанып, тырышып донъя көтөп китә. Тәүҙә иҫкерәк өй һатып алып йәшәй башлайҙар. Бында бер-бер артлы ике улдары донъяға килгәс, тормоштары тағы ла матурланып китә. Шунан тырышып, ҙур йорт һалып сығалар. Һәр эште бергә кәңәшләшеп башҡара улар. Шуға ла донъялары матур, һоҡланырлыҡ.
Ғүмер йылдары ағымһыуҙай ағыла. Был йылдар эсендә күпме юлдар үтелгән, яңылыҡтар, үҙгәрештәр була. Берҙәм, уңған ғаилә замана елдәре килтергән ауырлыҡтарҙы лайыҡлы үткәреп, еңеп, алға бара. Хәҙер бар нимә лә етеш, тормоштары түңәрәк уларҙың. Тырышҡан кешеләр барыһын да булдыра шул. Ғилмановтар ғаиләһе дүрт тиҫтә йылдан ашыу бер бөтөн һәм бер-береһенә ныҡлы терәк булып йәшәй.
Эйе, бер-берең менән аңлашып, кәңәшләшеп, тырышып йәшәмәһәң, уңыштарға ирешеп булмайҙыр. Ояһында ни күрһә, осҡанында шул булыр, тигәндәй, улдары ата-әсә өлгөһөндә матур тәрбиә алып үҫеп, үҙҙәре лайыҡлы тормош көтә.
- Тормош булғас, төрлө саҡтар була. Балаларҙы үҫтергәндә ауырлыҡтар ҙа, аҡсаһыҙлыҡ та бар ине. Барыһы ла үтте. Улдарыбыҙ үҙҙәренә оҡшаған һөнәрҙәр алып, ғаиләләре менән йәшәйҙәр. Улар хәл белергә, ярҙам итергә ҡайтып торалар. Балаҡайҙарыбыҙҙың уңыштарына һөйөнөп, ейән-ейәнсәрҙәрҙе һөйөп йәшәүе ҙур бәхет, - ти Сәлимә Юныс ҡыҙы.
Уның һүҙҙәренә ғаилә башлығы ҡушыла:
- Үҙ-ара мөнәсәбәттәр, берҙәмлек, бер-береңә ышаныс аңлашыуға нигеҙләнә. Шул саҡта ғына һәр кем бәхетле, - ти ул.
Изге һөнәр эйәһе
Сәлимә Юныс ҡыҙы - Алайғыр табиплыҡ амбулаторияһы хеҙмәткәре. Ул Салауат медицина училищеһында шәфҡәт туташына уҡып, йүнәлтмә буйынса районға ҡайта. Район үҙәк дауаханаһының терапия бүлексәһендә һөнәре буйынса эшләй. Өс йылдан һуң уның тырышлығын, эште еренә еткереп башҡарыуын күреп, өлкән шәфҡәт туташы итеп тәғәйенләйҙәр. Көсө ташып торған йәш белгес баштан аяҡ эшкә сума. Артабан яңылыҡҡа ынтылған, яңы ерҙәрҙе күрергә теләгән ҡыҙ Нефтекама ҡалаһына китеп, ҡала дауаханаһының реанимация бүлексәһендә йылдан артыҡ эшләп өлгөрә. Дуҫлашып йөрөгән егете Фәнис Ғәли улы ҡулын һоратҡас, тыуған ауылына ҡайтырға тура килә. Нисек кенә булмаһын, тыуған яҡ та барыбер үҙенә тарта. Алайғыр дауаханаһына урынлаша, аҙаҡ тәжрибәле тип процедура бүлмәһенә алалар. Артабан оҙаҡ йылдар өлкән шәфҡәт туташы булһа, хәҙер 29 йыл инде участка терапевының уң ҡулы. Әле лә ул эшенән йәм һәм тәм табып эшләй.
- Заман башҡа, заң башҡа, тигәндәй, һәр осорҙа үҙгәрештәр була. Элек эш икенсерәк ине. Ҡайнатылған системалар, уколдар менән эшләнек. Хәҙер документация күп. Нисек кенә булмаһын, бурысыбыҙ – кешеләрҙе дауалау. Эшемде бик яратам. Ҡанға һеңгән – бына һаман хеҙмәтемде дауам итәм. Бына 1 августа дөйөм эш стажыма 46 йыл була, - ти ул.
Изге һөнәр эйәһе үҙ бурысын яҡшы үтәүе, кешеләргә ихлас, алсаҡ булыуы менән ихтирам ҡаҙана.
Сәлимә Юныс ҡыҙы эшендә яҡшы белгес булһа, ғаиләһендә йорт усағын һаҡлаусы хужабикә. Уның бөхтәлеген, аш-һыуға оҫталығын һәр кем белә. Ҡул эштәрен дә яратып башҡара. Элек әйбер бик булмағанлыҡтан, ғаилә ағзаларының һәр береһенә кофталар бәйләп кейҙереп тора.
Әйткәндәй, Сәлимә Юныс ҡыҙы күп балалы ғаиләлә иң кесеһе була. Атаһы Юныс Әғзәм улы ветеринария фельдшеры була, әсәһе Асия Солтанғәле ҡыҙы колхозда төрлө эштәрҙә – баҫыуҙарҙа сөгөлдөр үҫтерә, тауыҡ фермаһында, ырҙын табағында эшләй, ашханала ашарға бешерә. Ата-әсә көнө буйы эштә булғанда бар эш балаларға төшә. Кескәй саҡтан хеҙмәткә һөйөү һалына. Атаһының малдарҙы дауалауы, дарыуҙар, ветеринария инструменттары ҡыҙыҡ тойола, өйҙәрендә йыш ветеринар йыйылыуы оҡшай. Бәлки, быларҙың барыһы ла ошо һөнәрҙе һайларға этәргес булғандыр.
