Был донъяла яратыу һәм һаҡсыл булыу мөһим… Ғаиләңде яратыу, өй, күңел, йән, яҡын, ҡәҙерле кешеләреңдең тыныслығын, йыл миҙгелдәрен, эшеңде яратыу, улар менән килешеп йәшәү… Һәр нәмәлә әйтеп бөтөргөһөҙ илаһи матурлыҡ бар. Ямғырмы, ҡармы, ҡояш, елме – теләһә ниндәй һауа торошон яратыу мөһим. Беҙҙе уратып алған мөхит үҙ хозурлығы һәм кәмселектәре менән матур! Сөнки донъяны камиллыҡ ҡына түгел, ә уның кәмселектәре лә илаһи итә. Тормошто, кешеләрҙе, йәшәгән ғүмеребеҙҙең һәр минутын яратырға, ҡәҙерләргә кәрәк, сөнки был ҡыҫҡа ғына бер мәл бик тиҙ үтеүсән.
Үҙеңде, һине яратҡандарҙы яратырға һәм һаҡларға кәрәк. Шул ваҡытта ғына донъя һиңә ҡояшлы яғы менән боролор… Һин яратҡанды яратыр, ҡәҙерләр, һаҡлар… Уларҙың бәхете һине лә бәхетле итер.
Миләүшә ҒӘЙФУЛЛИНА
Автор фотоһы