Иң тәүге балыҡты Азат Ғибәҙуллин тотто, ә Фәзит Әхмәтйәнов мәке уйыу буйынса иң етеҙе булды. Сарала Альберт Шаймарҙанов иң тәжрибәле балыҡсы булһа, Розалия Батталова иң йәш балыҡсы ине. Иң ҙур балыҡты Ғайса Иҙрисов ҡаптырып, иң күп балыҡ тотоусы номинацияһына эйә булды.
Ҡунаҡбаевтар, Әхмәтйәновтар, Гайназаровтар һәм Бикташевтар балыҡ тоторға ғаиләләре менән килгәйне. Ҡунаҡҡа ҡайтыусылар Минсадыр Үлмәҫҡолов иң әҙ балыҡ тотһа, Азат Ғибәҙуллин иң уңышлы балыҡсы булды. Байрамдан бер генә балыҡсы ла буш ҡул менән ҡайтманы. Ойоштороусылар - Үтәгән мәктәбе коллективы ҡоймаҡтар, бәлештәр, тәмле күстәнәстәр менән ҡайнар сәй эсеү ҙә ойошторғандар ине. Ҡышҡы тәбиғәттә шундай матур ял ойошторғандары өсөн уларға ҙур рәхмәтлебеҙ.
Хәтмулла Бикташев.
Үтәгән ауылы.