ИҢ-ИҢ ТӘМЛЕ НИМӘ УЛ?

"Донъяла иң тәмле нимә ул?" тигән һорауға бик күптәр, әлбиттә "ЙОҠО!" тип яуап бирер. Һәм был яуап дөрөҫ тә.
Боронғо гректар татлы йоҡоно шул тиклем ныҡ ҙурлағандар, хатта улар йоҡо аллаһы уйлап тапҡандар. Гипнос тип атағандар ул алланы.
Әҙәм балаһы һауа һуламай, һыу эсмәй, ашамай тора алмаған шикелле, йоҡоһоҙ ҙа йәшәй алмай. Яңы тыуған бала тәүлектәр буйы йоҡлай тип әйтерлек. Бер йәшлек бала 12 - 13 сәғәт, ә ете йәшкә еткәс 9 - 10 сәғәт йоҡлай. 11 йәштәрҙә инде уға 8 сәғәт йоҡо ла етә.