Эшен күңелен һалып башҡара

 Данлыҡлы Шайморатов ауылында тыуып үҫкән Рәмилә Наил ҡыҙы мәктәпте тамам­лағас, Башҡорт дәүләт ауыл хужалығы институтына бухгал­тер-иҡтисадсы һөнәрен алы­рға уҡырға инә. Уҡыу йортон уңышлы тамамлап, диплом алғас, тыуған ауылына эшкә ҡайта һәм алдынғы “Шаймора­тов” колхозына бухгалтер-иҡти­садсы булып эшкә урынлаша. Үҙгәртеү елдәре ҡағылып, кол­хоз тарҡалғас, ул ошо исемдә­ге йәмғиәттә дүрт йыллап эшләй. 2010 йылда 36 йыл по­чта бүлексәһе начальнигы бу­лып эшләгән Дания Хәлфет­дин ҡыҙы Хәбирова хаҡлы ялға киткәс, был эшкә уны ышанып саҡыралар. Яңы хеҙмәтте ул тиҙ үк төшөнөп, тырышып алһыҙ- ялһыҙ хеҙмәт итә башлай. Үҙе­нең шәхси ваҡыты менән иҫә­пләшмәй эшләүе һөҙөмтәһеҙ ҡалмай, әлбиттә. Кеше менән уртаҡ тел таба белеүе арҡаһында хеҙмәттәштәре – почтальондар һәм ваҡытлы матбуғат баҫмала­рына яҙылыусылар уға ылыға. Уның тырышлығы менән йыл­дан-йыл ҡуйылған план үтәлеп килә.

- Гәзит-журналдар тараты­уҙан тыш, коммуналь хеҙмәттәр өсөн килгән квитанцияларға түләүҙәр башҡарыла, заказ хат­тар, төрлө инстанцияларҙан бик күп извещениелар, интер­нет-магазиндарҙан посылка­лар, бандеролдәр килә. Заман башҡа – заң башҡа, тигәндәй, хәҙер хеҙмәтебеҙгә аҙыҡ-түлек, көнкүреш тауарҙары һатыу ҙа инә. “Почта Банк” акционер йәмғиәте менән эшләйбеҙ. Про­граммалар йыш үҙгәрә, шуға ла уҡыуҙар үтеп торам. Беҙҙең эштә бер төрлөлөк юҡ, шуға ла ялҡытмай. Мин кешеләр менән аралашырға яратам, шуға эшем­де яратып башҡарам. Почта хеҙмәте бер кешенең генә эше түгел. Почтальондарыбыҙҙың барыһы ла үҙ эштәренә бирел­гән кешеләр. Улар матбуғат баҫ­маларына яҙылыу декадаларын­да ҙур тырышлыҡ һалалар, иң тәүҙә тоғро гәзиткә яҙылыусы­ларыбыҙҙы күҙҙән ысҡындыр­майынса, өйҙәренә барып яҙҙы­рталар. Йәштәр хәҙер күберәк интернетта ултырһа, ололар гә­зит уҡыуҙы кәрәкле таба бит, - ти почта бүлексәһе начальнигы.

Шулай ҙа Рәмилә Наил ҡыҙы ауылда гәзит алдырыу­сы кешеләрҙең һаны кәмеүенә борсолоуын белдерҙе. Уның һүҙҙәренсә, йәштәрҙең йыраҡта эшләүҙәре, ә өлкәндәрҙең ҡартайыуы, фани донъянан китеүҙәре быға сәбәпсе булып тора.

Үҙ эшен яратҡан хеҙмәткәр яҡын киләсәктә почта бинаһы­ның заманса итеп төҙөлөүен көтә. “Ул үҙенең форматында булһа, эшләргә лә, килгән кли­енттарға ла һәйбәт булыр ине”, - ти ул.

Рәмилә Мөхәмәтйәнованың 1982 йылда асылған хеҙмәт кенә­гәһе әлеге көнгә тиклем өҙөлмәй дауам итә. Ул ҡайҙа эшләһә лә, эшен яратып башҡара. Төрлө йылдарҙа Ҡырмыҫҡалы почтамт

 начальнигы булған етәкселәр Илшат Яхъя улы Абдуллинға, Азамат Муса улы Ғәйфуллинға эште дөрөҫ алып барыуҙары, ойоштороуҙары өсөн һаман да рәхмәтле. Әлеге ваҡытта шулай уҡ Талбазы почтамт начальнигы Гүзәл Рәис ҡыҙы Тимербулатова менән килешеп эшләүен әйтте.

Фиҙаҡәр хеҙмәте, эшенең һөҙөмтәһе өсөн Рәмилә Наил ҡыҙы етәкселек тарафынан баһаланып тора. Быйыл да ул «Рәсәй Почтаһы»ның гене­раль директоры М.Ю.Волков исеменән Рәхмәт хаты менән бүләкләнде.

Уңған ҡатын ғаиләһенән дә уңған. Тормош иптәше Хәлит Фәрит улы менән матур итеп донъя көтәләр. Улар ике ҡыҙға ғүмер биргәндәр. Өлкән ҡыҙҙа­ры БДУ-ның Хоҡуҡ институтын тамамлап, Эске эштәр орган­дарында эшләй. Ул әлеге көндә Хоҡуҡ институтында студент­тарҙы уҡыта. Икенсе ҡыҙҙары - Өфө дауаханаларының береһен­дә шәфҡәт туташы. Ғаиләһе, балаларының уңыштары уға эшендә рухи көс бирә.

Гәзит сығарыусыларҙың эше почта хеҙмәткәрҙәренең эше менән бәйле. Шуға ла по­чта бүлексәләре менән һәр саҡ бәйләнештәбеҙ, ваҡытлы мат­буғатҡа яҙылыу осоронда хәл­дәрен белешеп, килеп сыҡҡан проблемаларын хәл итеүҙә ярҙам итергә тырышабыҙ. Фор­саттан файҙаланып, Рәмилә Мөхәмәтйәнованы һәм барлыҡ почта хеҙмәткәрҙәрен һөнәри байрамдары менән ҡотлайбыҙ һәм эштәрендә уңыштар теләй­беҙ.

Фәниә БАТЫРШИНА.