Үтәгән мәктәбенә - 60 йыл. Күп эштәр алып барылды

Үтәгән мәктәбенә - 60 йыл

 Күп эштәр алып барылды

Үтәгән мәктәбе асылған­дан бирле бер быуат кимәлен­дә туған телде өйрәнеү өҫтөндә күп эштәр алып барылған. Быға мәктәптә уҡып сыҡҡан ике академик Ғайса Хөсәйенов һәм Роберт Байымов миҫал булып тора. Шул уҡ йүнәлеш оҫтаһы - Башҡортостандың халыҡ ар­тисы Әхәт Хөсәйенов.

Үткән быуаттың 90-сы йылдарында Үтәгән урта мәктәбе республика уҡытыусыларының белемдәрен ка­миллаштырыу институтының башҡорт теле һәм әҙәбиәтен өйрәнеү майҙансығы булып торҙо. Филология фәндәре кандидаты, Рәсәйҙең һәм Башҡортостандың атҡаҙанған уҡытыусыһы, халыҡ мәғари­фы отличнигы Рим Искән­дәров һәм халыҡ мәғарифы отличнигы Зәкирә Нафиҡо­ва башҡорт телен тәрәнәй­теп өйрәнеү программаһы буйынса эш алып барҙы. Ул йылдарҙа башҡорт телен өй­рәнеү аҙналыҡ сәғәттәрҙә күп ине. Мәктәптә республика кимәлендә башҡорт теле һәм әҙәбиәте буйынса байтаҡ се­минарҙар үткәрелде. Мәктәп шулай уҡ Башҡорт филологи­яһы факультеты студенттары­ның практика үтеү өсөн база учреждениеһы ла ине. 50-нән ашыу уҡыусының артабан бе­лем алыу өсөн башҡорт теле һәм әҙәбиәте факультетын һайлауы шундай ҙур эштәрҙең һөҙөмтәһе булып тора ла инде. Араларында Ҡоролтай депутаттары, дәүләт хеҙмәт­кәрҙәре, «Дөйөм белем би­реүҙең почетлы хеҙмәткәре» билдәһе менән бүләкләнгән­дәр ҙә бар.

Гөлгөнә БАТТАЛОВА,

Үтәгән мәктәбенеңе хаҡлы ялдағы уҡытыусыһы.