Йәшәһен интернет!

Бөгөн – Халыҡ-ара интернет көнө

Йәшәһен интернет!

Кәрәк булған бар нимәне

Табабыҙ интернеттан.

Әле ярай бар интернет,

Белер инек һуң ҡайҙан?

Һөйләшәбеҙ, серләшәбеҙ

Интернет аша хәҙер.

Ҡотлауҙарҙы ебәрәбеҙ,

Ҡасан кәрәк, беҙ әҙер.

Интернет – иң кәрәк нәмә

Хәҙерге заманала.

Бала-саға, йәше-ҡарты

Телефон, интернетта.

Аңлата ла, өйрәтә лә

Кәрәк барлыҡ нәмәне.

Йәшәһен генә интернет,

Юҡ уның белмәгәне!

Фәймә ЗӘЙНУЛЛИНА.