Сағыу байрам кисәһе үтте

Килгән ҡунаҡтарыбыҙ һәр сығыш яһаусыны дәррәү алҡыштарға күмде. Артабан кисәбеҙ мәктәп ашханаһын­да әҙерләнгән һыйлы өҫтәлдәр ар­тында дауам итте. Бында тәмле-та­тлы ризыҡтар менән сәй эсеп кенә ҡалманыҡ, шулай уҡ ихлас ара­лаштыҡ, мәктәп тормошондағы төр­лө ҡыҙыҡлы хәтирәләр менән бүлеш­тек.

Күңелдәре шатлыҡҡа тулышҡан ҡунаҡтарыбыҙ үҙҙәренең матур сығыштары менән ҡыуандырҙы. Бикҡужина Зилә Шаһивәли ҡыҙы һөйләгән эстәлекле шиғырҙы барыһы ла тын алырға ла онотоп тыңланы. Бикташева Гөлназ Фәһим ҡыҙының моңло йыры ла бер кемде лә битараф ҡалдырманы.

Хәтирәләргә, уйын-көлкөгә, йыр- моңға бай булған байрам кисәһе бар­лыҡ ҡунаҡтарыбыҙҙы ла бер аҙға ғына булһа ла йәшлек йылдарына алып ҡайтҡандыр, киләсәк тормоштары­на көс-дәрт һәм йәм өҫтәгәндер, тип ышанабыҙ.

Мәктәбебеҙ директоры Эльвира Тәҡиулла ҡыҙы Үтәкова ҡунаҡтарға изге теләктәрен һәм рәхмәт һүҙҙәрен әйтеп оҙатып ҡалды.

Рәмилә НАМАҘҒОЛОВА.

Түбәнге Төкөн ауылы.