Тауыҡ итенән колбаса эшләйбеҙ

Бының өсөн бер килограмм һөйәкһеҙ тауыҡ ите, ете-һигеҙ тырнаҡ һарымһаҡ, ярты сәй ҡалағы ҡара борос, тауыҡ ите өсөн тәмләткес, ике аш ҡалағы майонез, 15 грамм желатин кәрәк.

Әҙерләү:

Итте йыуып, киптереп ҡыртышы менән ваҡ итеп турайбыҙ. Фаршҡа һарымһаҡ, борос, тәмләткестәр өҫтәп һәйбәтләп бутайбыҙ.

Майонез, желатин һалып тағы ла бутайбыҙ. Дүрт колбаса килеп сыға. Пищевой пленкаға фарштың 1/4 өлөшөн тултырабыҙ. Колбаса итеп төрәбеҙ. Духовканы 180 тиклем йылытып бер сәғәткә ҡуябыҙ. Һыуығас һыуытҡысҡа ҡуябыҙ.

Ашығыҙ тәмле булһын!

Фото: cookingmir.ru