Раштыуа байрамы менән!

Башҡортостан Башлығы Радий Хәбиров социаль селтәрҙәрҙә республикала йәшәүсе православныйҙарҙы Раштыуа байрамы менән ҡотланы.

"Бөгөн - Сочельник һәм бер нисә сәғәттән православный туғандарыбыҙ иң ҙур байрамдарының береһен – Раштыуаны ҡаршы аласаҡ. Барыһын да ошо уңайҙан ҡотлайым!

Ғөмүмән, республикала күптән ошо принцип менән йәшәйбеҙ: беҙҙең өсөн Раштыуа, Ҡорбан байрам, Песах – бергә ҡаршылай торған көндәр, сөнки дуҫ йәшәйбеҙ. Был, һис шикһеҙ, дөрөҫ һәм уны һаҡлаясаҡбыҙ.

Барығыҙға ла изгелек, именлек, ғаилә бәхете теләйем. Һау-сәләмәт һәм бәхетле булығыҙ!" - тип яҙҙы Радий Фәрит улы.

Фото: sib.fm