“Яратҡан эшем яңы үрҙәргә әйҙәй”

Анатолий Ибраһим разьезы ауы­лында тыуып үҫкән. 11-се класҡа тиклем Һәүәләй урта мәктәбендә белем ала. Мәктәпкә йәйәүләп уҡырға йөрөй торғайныҡ, тип иҫкә ала ул. Уҡыған сағында һәр яҡлап та әүҙем була. Һәр төрлө спорт ярыштарында ғына түгел, башҡа фәндәр буйынса ла олим­пиа­даларҙа, конкурстарҙа, бәйге­ләрҙә теләп ҡатнаша, яҡшы һөҙөмтәләргә өлгәшә.
“Уҡытыусылар мине төрлө яҡлап үҫ­терергә тырышты, мин дә уларға яуап итеп, барыһына ла өлгөрөргә ынтыл­дым. Спорт­ҡа һөйөү тәрбиәләгән физкультура уҡы­тыусылары Фаяз Рамазановҡа һәм Йәзилә Ғәзизоваға, был юлды һайларға ярҙам иткән атай-әсәйемә ҙур рәхмәт”, - ти ул.
Маҡсатлы егет мәктәпте тамамлаған­дан һуң Өфө һөнәри-педагогия колледжына физкультура белгеслеге буйынса уҡырға инә. Диплом алғандан һуң, хәрби хеҙмәткә киткәнсе Башҡорт дәүләт педагогия институтына доку­мент­тарын тапшырып, тәүге сессияһын уҡып өлгөрә. Ил алдындағы хәрби бурысын үтәп ҡайтҡас, тәүге хеҙмәт сынығыуын район балалар һәм үҫмерҙәр спорт мәк­тәбендә ала. Бында эшләгән йыл ярым эсендә Анатолий тәрбиә­лә­неүселәре менән волейбол һәм баскет­бол буйынса район йыйылма коман­далары араһында призлы урындар алыуға өлгәшә.
Бына унынсы йыл инде Анатолий Ви­тальевич Олокүл урта мәктәбендә бала­ларҙы сәләмәт тормошҡа ылыҡ­тыра, спортҡа һөйөү тәрбиәләү өсөн бар көсөн һала, яңы алымдар уйлап таба. Яратҡан һөнәренә бөтә күңелен биреп эшләгәнгә лә, һөҙөмтәләре лә ҡыуаныр­лыҡ.

(Дауамын гәзиттән уҡығыҙ)

Гөлсәсәк Аласова.