Даирә
+1 °С
Ҡар
Бөтә яңылыҡтар
Ауылым, ауылҡайым
1 Июнь 2023, 11:25

Доғалары ҡабул булған

Үтәгән халҡын күптән инде һыу мәсьәләһе борсой. Ошо көндәрҙә был ауыл эргәһендәге баҫыуҙа ҡасандыр нефтяниктар ҡаҙҙырған скважинанан һыуурғылып сыҡҡан. Ауыл халҡы был шатлыҡлы ваҡиғаны видеоға төшөрөп, интернет селтәренә һалған.

Доғалары ҡабул булған
Доғалары ҡабул булған

Видеола уларҙың был хәлгә ҡыуаныуы асыҡ күренә. Һыуҙы тәмләп ҡарап, эсергә яраҡлы булыуы хаҡында ла белдерә улар. Хатта, кадр артында кем­деңдер: “Үтәгәндәрҙең доғала­ры ҡабул булды!” – тигән ҡыуа­ныслы тауышы яңғырай.

-1960 йылдарҙа бында нефть разведкаһы эшләне. Улар скважина бырауланылар һәм көкөрт-водородлы көслө һыу фонтаны атылып сыҡты. Шун­дай матур күренеш булды! Беҙ, балалар, ошонда һыу инергә килә торғайныҡ. Һыуҙан се­рек йомортҡа еҫе сығып тора ине. Һуңынан был фонтанды томалап ҡуйҙылар. Бына кисә тракторсылар баҫыуҙа эшлә­гән саҡта, яңылыш торбаны эләктергәндәр һәм яңынан һыу фонтаны барлыҡҡа килгән. Тик хәҙер теге ваҡыттағы кеүек көслө урғылмай. Шулай уҡ көкөрт-во­дород еҫе һәм тәме ул тиклем ныҡ һиҙелмәй. Ер аҫты батша­лығында нимәлер үҙгәргәндер, күрәһең, -тигән аңлатма бирә был хәлгә үҙенең комментарий­ында Үтәгән ауылы старостаһы Дилара Ҡоҙайғолова.

-Үтәгән халҡы күптән һыуһыҙ интегә. Ике ауылға бер скважина булғас, һыу етмәй, бөтә лә ҡуя. Йәйен-ҡышын һыу график менән генә бирелә. Әле торбанан урғылып сыҡҡан һыуҙы кире ябып ҡуйҙылар. Ошонда берәй нәмә ҡороп ҡуйып, йә Кәсеүән йылғаһы­на йырын йырып ебәреп, ауыл халҡын һыу менән тәьмин ит­кәндә бик яҡшы булыр ине, -тигән фекере менән бүлеште ошо ауылда тыуып үҫкән Сәлих Хисаметдинов.

Доғалары ҡабул булған
Доғалары ҡабул булған
Автор:Розалия Назарова
Читайте нас: