Их, яратам шул ауыл әбейҙәрен!

Ғүмер буйына ҡайһыһылыр тыуған колхоздарында, кемеһелер мәктәптә һәм башҡа урындарҙа ал-ял белмәй эшләгән, балалар үҫтергән, тырышып донъя көткән Илтуған инәйҙәре Хәриҙә Баҡыева, Фәүзиә Ғафарова, Зәйҙә Әминева, Фәнүзә Йосоповалар бит былар. Уларҙың ошо көндәрҙе күреп, ил-донъябыҙға тыныслыҡ теләп, ултырыуҙары үҙе бер ҡыуаныс. Әлфинә Насирова менән Әлфира Әхтәмова ла иҫтәлеккә инәйҙәр менән фотоға төшкән.

Әйҙәгеҙ, һеҙ ҙә инәйҙәрҙе фотоға төшөрөп ебәрегеҙ.

Гөлсәсәк Аласова.