Һөйөнсө!!! Ергә яҙ килде, аҡҡоштар ҡайтты!

Яҙ етте, аҡҡоштар ҡайтты... Йыл һайын аҡҡоштар беҙҙең ауылдар күлдәренә лә төшөп хәл йыйып китәләр. Улар артабан ҡалыр өсөн тынысыраҡ урындарҙағы күлдәрҙы йәй үткәрер өсөн һайлайҙар. Түбәнге Төкөн ауылы эргәһендәге күлгә лә парлы аҡҡоштар ҡайтҡанын фотоға төшөрөп алғандар. Аҡҡош боҙ ашап китә лә, боҙ аша кире ҡайта, ти халыҡ һынамышы. Йылы яҡтан ҡоштар ҡайтыуы - үҙе бер илаһи мәл бит ул. Ә бына ҡыр ҡаҙҙары менән торналар һуңыраҡ ҡайта. Халыҡта торналар ҡайтҡас ҡына ысын яҙ етә, тиҙәр. Яҙ менән, дуҫтар!Кемдәр тағын күрҙе аҡҡоштар ҡайтҡанын?