Даирә
-24 °С
Болотло
75 лет Победы
Бөтә яңылыҡтар
Ауылым, ауылҡайым
14 Сентябрь 2020, 11:05

“Мәсетте төшөмдә күрҙем...”

Благовещен районы халҡы үҙ көстәре менән мәсет төҙөгән. Ошо ҙур эштең башында йөрөгән Фәрил Мурсалов әйтеүенсә, ул мәсеттең тышҡы йөҙөн, хатта атамаһын төшөндә күргән. Иҫке мәсет элекке фельдшер-акушерлыҡ пунктында урынлашҡан булған. Яңыһын төҙөүгә алты йыл ваҡыт киткән.

Доғалар уҡый-уҡый мәсетте төҙөнөм, күпме көсөм, матди мөмкинлегем бар, бөтәһен дә төҙөлөшкә һалдым. "Нур” мәсете донъяны яҡтыртып, кешеләргә иман, тәүфиҡ таратыр, халыҡ берҙәм булыр, тип өмөт итәм, - ти мәсеттең имам-хатибы Фәрил Мурсалов.
Халыҡ мәсетте төҙөүҙә дәррәү ҡатнашҡан, хатта таныш булмаған кешеләр ҙә ярҙамға килгән. Ярты быуат Биштин ауылында балаларға белем биргән Римма Әхмәтшинаның уҡыусыһы ул Фәрил Мурсалов. Хәҙер улар ролдәре менән алмашҡан, элекке уҡыусыһы уҡытыусыһын ислам нескәлектәренә өйрәтә. 83 йәшлек уҡытыусыһы пенсияға сыҡҡас, ғәрәп телен өйрәнгән, намаҙға баҫҡан.
”Нур” мәсетенең исеме есеменә тура килеренә Биштин халҡы ҙур өмөт бағлай.
Фото: BashNews.
Автор: Дина Арсланова.
Читайте нас в