Сөгөлдөрҙө ҡышҡылыҡҡа ошолай һаҡларға ла була!

Ваҡ сөгөлдөрҙәрҙе йыуып, бешерергә ҡуйырға, улар 30-40 минут бешә. Һалкын һыуға һалып һыуытырға һәм таҙартырға.
Кәстрүлгә 2 л һыу ағыҙып, ҡайнатып сығарырға. Парландырылған банкаларға сөгөлдөрҙәрҙе тултырып, өҫтөнә ҡайнаған һыуҙы ҡойоп, 15 минут тоторға. Һыуын ҡабат кәстрүлгә бушатырға.
3 аш ҡашығы тоҙ, 4 аш ҡашығы шәкәр ҡомо, 4 түңәрәк борос, 100 мл 9 %лы аш һеркәһе ҡушып ҡайнатып, сөгөлдөрҙәр өҫтөнә һалырға. Ҡалай ҡапҡас менән ябып ҡуйырға.
0,5-0,6 литрлы 7 банка килеп сыҡты. Сөгөлдөр вағыраҡ булған һайын тоҙлоҡ әҙерәк керә.
Ҡышҡа әҙер бешкән сөгөлдөр була был!