Ябалаҡлап яуа ап-аҡ ҡарҙар...

Ғәҙәттән тыш хәлдәр министрлығы хәүефле һауа торошо тураһында алдан смс-хәбәрҙәр ебәреп тороуына ҡарамаҫтан, ҡар яуыуы, буран сығыуы халыҡ өсөн көтөлмәгән булып ҡала. Ысынлап та, ҡыш буйына юлдар таҙартылып тороуына ҡарамаҫтан, юлдарҙа көрт, һырынтылар барлыҡҡа килде. Ошоға бәйле, тығындар башлана, аяныслы юл-транспорт ваҡиғаһының һаны арта, ә йәйәүлеләргә ҡарлы тротуарҙарҙан йөрөүе ауырлаша. Былар барыһы ла юл хәрәкәте именлеге күҙлегенән ҡарағанда, водителдәрҙең һәм йәйәүлеләрҙең ғүмере һәм сәләмәтлеге өсөн ҡурҡыныс тыуҙыра.