Дауаханаға - яңы автомобиль

Район үҙәк дауаханаһы яңы автомобиль алды. Яңы “Lada Vesta” машинаһы «Оҙайлы һәм әүҙем тормош» милли проекты буйынса федераль аҡсалар йәлеп итеп, һаулыҡ һаҡлауҙың беренсел звеноһын яңыртыу программаһы сиктәрендә һатып алынды.
Был еңел автомобиль аҙ хәрәкәт иткән пациент­тарҙы йөрөтөү һәм бер медицина хеҙмәткәре йә­ки дүрт пассажирҙы та­шыу мөмкинлеге бирә. Улар өсөн ултырғанда һәм хәрәкәт иткәндә уңайлылыҡ һәм хәүефһеҙлек тәьмин итеүсе махсус механизмдар һәм тотҡалар тәғәйенләнгән. Шулай уҡ машинала инвалид коляс­каһы өсөн урын бар.
- Яңы автомобиль медицина персоналының мо­бил­леген арттырасаҡ, пациенттарҙы килтереүҙе тиҙләтәсәк һәм тәүге медицина ярҙамын оператив күрһәтеүҙе тәьмин итәсәк. Шуны билдәләп үтергә кәрәк, был былтыр «Һаулыҡ һаҡлауҙың беренсел звеноһын яңыртыу» төбәк проектын тормош­ҡа ашырыу сиктәрендә да­уахана алған дүртенсе автомобиль. Улар уңайлылығы менән айырылып тора, заманса ҡорамалдар менән йыһазландырылған. Юғары сифатлы медицина ярҙамын тәьмин итеү - граждандарыбыҙҙың һаулығын һәм именлеген тәьмин итеү, автопаркты яңыртыу — был эштең мө­һим өлөшө, - тип билдәләне дарыухананың баш табибы Феликс Сакаев.
Эйе, был машиналар халыҡҡа медицина ярҙамы күрһәтеү өсөн тәғәйенләнгән. Бигерәк тә ҡатмарлы юл шарттарында улар бик кәрәк.
Иҫегеҙгә төшөрәбеҙ, «Оҙайлы һәм әүҙем тормош» милли проекты 2025 йылдың 1 ғинуарынан старт алды. Был Милли про­ект һаулыҡ һаҡлауҙың тәүге звеноһын артабан яңыртыуға йүнәлтелгән.
Фирүзә ЙӘМИНЕВА.