Ашағандан һуң сәй эсмәгеҙ

1. Был тимер үҙләшеүенә ҡамасаулай

Сәйҙәге танин тимерҙе аҙыҡтан, бигерәк тә ит, бауыр һәм ҡарабойҙайҙан ҡанға эләгергә бирмәй. Һөҙөмтәлә был анемия хәүефенә һәм на­сар кәйефкә килтерә. Тимергә бай аҙыҡ ашаһағыҙ, сәйҙе кәм тигәндә 40 минут­ҡа ҡалдырығыҙ.

2. Ашҡаҙан һутын «шыйығайта»

Ашағандан һуң шыйыҡсаның ҙур кү­лә­ме ашҡаҙан һуты концентрацияһын кә­метә. Аҙыҡ-түлек яйыраҡ эшкәртелә. Аш­ҡаҙанды әҙерләү өсөн ашар алдынан бер стакан һыу эсегеҙ. Ә һуңынан уға эш­ләргә мөмкинлек бирегеҙ.

3. Аш һеңдереүҙе әкренәйтә

Аҙыҡ, ауырлыҡ тыуҙырып, ашҡаҙанда оҙағыраҡ тора. Ашағандан һуң иң яҡ­шы­һы - еңелсә йөрөү йәки 10-15 минут тик ултырыу.

4. Витаминдар үҙләштереүен кәметә

Сәй B төркөмөндәге мөһим витаминдарҙы (B1, B12) Һәм C витаминын һеңдереүҙе насарайта. Витамин комплекста­рын, емеш-еләкте сәй эскәндән һуң бер аҙ ваҡыт үткәс кенә ашағыҙ.

5. Ашҡаҙанды ярһыта

Ашағандан һуң ҡайнар һәм ҡаты сәй - ашҡаҙан лайлаһына икеләтә көс. Ул айырыуса гастрит булғандар өсөн хә­үеф­ле. Ҡаты һәм ҡайнар булмаған сәй эсегеҙ.

НИСЕК ДӨРӨҪ?

Сәйҙән баш тартмағыҙ - уны аҡыл ме­нән эсегеҙ. Ашағандан һуң 30-40 минут көтөгөҙ. Был ваҡыт эсендә ашҡаҙанда аш һеңдереүҙең төп этабы тамамланасаҡ, һәм сәй ҡамасауламаясаҡ.
Шул саҡта һеҙ яратҡан эсемлегегеҙҙән тик файҙа ғына аласаҡһығыҙ һәм ул аш һеңдереүгә зыян килтермәйәсәк.