Ауырыһағыҙ, ҡабаҡ һуты эсегеҙ

Ҡабаҡ һутының файҙаһы иҫ киткес ҙур. Уны ик күп ауырыуҙан эсергә кәңәш итәләр.

Бауыр һәм бөйөр ауыртҡанда көнөнә бер тапҡыр ашарҙан ярты сәғәт алды ярты стакан ҡабаҡ һуты эсегеҙ.
Таш ауырыуҙарынан көнөнә өс тапҡыр ашарҙан ярты сәғәт алды 1/3 стакан эсергә
Йоҡоһоҙлоҡ йонсотҡанда йоҡлар алдынан бер балғалаҡ бал ҡушып ярты стакан был һутты эсергә мөмкин.
Һалҡын тейеп, температура күтәрелгәндә, тәндең ҡайнарлығын баҫыу һәм һыуһынды ҡандырыу өсөн дә ҡабаҡ һуты эсергә кәңәш ителә.
Ҡабаҡ һутының эс ҡатыуҙан һәм гипертониянан да шифаһы бар. Был осраҡта көнөнә өс тапҡыр ¼ стакан эсергә кәрәк.
Простатиттан һәм простата биҙе аденомаһының башланғыс стадияһында көнөнә өс-дүрт тапҡыр ярты стакан ҡабаҡ һуты эсергә тәҡдим итәләр. Дауаланыу курсы бер ай. Һуңынан ауырыуҙы иҫкәртеү өсөн өс айға бер ҡабатлап торорға мөмкин. Көнөнә ярты стакан ҡыҙҙырылмаған орлоғон ашауҙың да файҙаһы бар.
Тиренең һытҡыларҙан зыян күргән урындарына ҡабаҡ һутына манып алынған япмалар ябырға мөмкин. Йә булмаһа көнөнә бер нисә тапҡыр ул урындарҙы ҡабаҡ киҫәге менән ыуырға.
Ҡабаҡ һуты янған урынды ла тиҙерәк дауаларға ярҙам итә. Бының өсөн уларға ла һутҡа манылған туҡыманы ябырға кәңәш ителә. Йәки ҡабаҡтың эсендәге йомшаҡ иҙмәһен ҡалын итеп туҡымаға һалырға һәм 30 минутҡа янған урынға ябырға. Көнөнә бер нисә тапҡыр ҡабатларға мөмкин.
Йөрәк сирҙәренә бәйле шешенеүҙән һәм гипертониянан һәр төрлө ҡабаҡ ашы ашарға.
Анемиянан көнөнә өс тапҡыр ашаған ваҡытта ҡырғыстан үткәрелгән 2/3 стакан ҡабаҡтың йомшаҡ урынын сей килеш ашарға.