Ашҡаҙанынан ҡалаҡ, сәнске, щетка сығарғандар

Ишембай үҙәк республика дауаханаһы хирургия бүлексәһенә 46 йәшлек ир эсе ныҡ ауыртыуға зарланып килә.

Ауырыуға рентген һәм гастроскопия үткәрәләр. Тикшереү уның ашҡаҙанында сит предметтар - дүрт тимер һәм бер пластмасса әйбер барлығын күрһәтә. Табиптар дүрт ҡалаҡ һәм бер щетка һаптарын операцияһыҙ юл менән – эндоскопия ярҙамында сығара.

Иргә медицина ғына түгел, психологик ярҙам да күрһәтелгән. Ул ҡәнәғәтләнерлек хәлдә дауахананан сығарылған.