Башҡортостанда коронавирус менән ауырыусылар арта

Башҡортостанда яңы коронавирус инфекцияһын йоҡтороусылар көндән-көн арта. Республиканың Һаулыҡ һаҡлау министрлығы мәғлүмәттәренә ярашлы, уҙған тәүлектә 125 кешелә COVID-19 асыҡланған. Пандемия башланғандан алып 375 328 кеше сирләгән.

Әлеге ваҡытта 150 пациент стационарҙа дауалана, шуларҙың 80-е – 60 йәште уҙған. Ә 1416 сирле өй шарттарында дауалана.

«Башинформ» хәбәр иткәнсә, Роспотребнадзор башлығы Анна Попова был миҙгелдә коронавирустан вакцинация талап ителмәүен белдерҙе.

https://www.bashinform.ru/news/social/2023-11-10/v-bashkirii-prodolzhaet-rasti-chislo-zabolevshih-koronavirusom-3514904