Сәләмәтлек маршруты буйлап...

- Беҙҙең төп бурысы­быҙ - халыҡ өсөн асыҡ бу­лыу һәм районыбыҙ халҡы сирләй башлағанын көтөп тормайынса, даими рәүеш­тә тикшерелеү үтеүен һәм үҙҙәренең сәләмәтлектәрен ҡайғыртыуына булышлыҡ итеү. Беҙ бындай осрашы­уҙарҙы йышыраҡ үткәрергә планлаштырабыҙ, - тине үҙе­нең тәбрикләү һүҙендә район дауаханаһының баш табибы Азамат Ғәлиев.

Паркка йыйылған меди­цина хеҙмәткәрҙәре иң тәүҙә дауалау физкультураһы ин­структоры Марсель Ҡолбах­тин етәкселегендә, дәртле көйҙәр оҙатыуында разминка эшләп алды. Уларға районы­быҙҙың киләсәге - бәләкәй балалар ҙа килеп ҡушылды. Артабан акцияла ҡатнашыусылар Азамат Әмирйән улы етәкселегендә билдәле маршрут буйынса йәйәүләп китте. Атлап барған саҡта баш табипҡа төрлө һорауҙар менән мөрәжәғәт итеүселәр һәм ошондай матур акция үткәреүҙәренә рәхмәт бел­дереүселәр күп булды. Шул уҡ ваҡытта һаулыҡ һаҡлау хеҙмәткәрҙәре үҙҙәренең төп эштәрен дә онотманылар – диспансеризация үтергә кәрәклеге, эскелек һәм тәмә­ке тартыуҙың зыяны, кәүҙә­нең артыҡ ауырлығын бул­дырмау хаҡында ҡулланмалар таратты. Шулай уҡ был көндө һәр кеше кардиолог, онколог, неврологтарҙан консультация алыу мөмкинлегенә эйә бул­ды.

Сәләмәтлек маршруты ве­лосипедтарҙа дауам итте. Ак­ция барышында уҙған асыҡ һөйләшеү ваҡытында барыһы ла ошондай сараны ай һайын үткәрергә кәрәк тигән тәҡ­дим менән сыҡты.

Һаулыҡ һаҡлау өлкәһе хеҙмәткәрҙәре һәм был са­раның ҡунаҡтары ыңғай тәьҫораттар алып, район да­уаханаһы етәкселегенә йылы аралашыу форматы булды­рғаны өсөн рәхмәттәрен бел­дереп таралышты. Сараны музыкаль яҡтан биҙәүсе, рай­он Мәҙәниәт һарайының та­уыш режиссеры Филүс Шән­гәрәевҡа оло рәхмәтлебеҙ.

Анастасия ПИЛЮГИНА.