Батшалар эсемлеге

Кәрәк:

* 1 л һыу;

* 2 аш ҡалағы каркаде;

* ярты лимон;

* 4 аш ҡалағы шәкә ҡомо (бал менән алыштырһағыҙ ҙа була);

* бер семтем тоҙ;

* 1 таяҡсыҡ корица;

* 5 ҡәнәфер сәскәһе бөртөгө.

Эш барышы:

1. Һауытҡа һыу ағыҙып, шунда ҡәнәфер таҗдарын, корицаҡушып, утҡа ҡуябыҙ. Ҡайнап сыҡҡас,  һүрән утта 5 минут ҡайнатабыҙ.
2. 
   Һуңынан кәстрүлне уттан алып, 2 аш ҡалағы каркаде, 4 аш ҡалағы шәкәр ҡомо, ярты лимон ҡабығын ыуғыстан ыуып (цедра) өҫтәйбеҙ. Ҡапҡасын ҡаплап, 20-30 минутҡа төнәтергә ҡалдырабыҙ.
3. Һуңынан, һөҙөп алып, ҡалған лимонды өҫтәйбеҙ һәм һыуытырға ҡуябыҙ. Каркаде япраҡтары былай ҙа әскелтем булғанға күрә, лимонды үҙ ихтыярығыҙменән генә ҡушығыҙ.
4. 
   Бик тә матур төҫлө, үҙе әскелтем-төскелтем-баллы эсемлекте табынға боҙменән дә бирергә була.

Тәмле итеп эсегеҙ! Шифаһы тейһен!