-9 °С
Болотло
Бөтә яңылыҡтар
Һаулыҡ - ҙур байлыҡ
5 Май 2021, 11:47
Ҡан баҫымын дарыуһыҙ төшөрөүҙең төп 4 ысулы
Үҙҙәренең ҡан баҫымы юғары булғанды белеп йәшәүселәр, йөрәктәренә һәм ҡан тамырҙарына көс килмәһен өсөн, баҫымды төшөрә торған дарыуҙы даими эсә. Ләкин дарыу ҡул аҫтында булмаған осракта ни эшләргә? Баҫымды дарыуһыҙ да төшөреп була икән.
– әгәр баҫымды кейем аша үлсәһәгеҙ, етмәһә ул ҡалын да булһа, тонометр терекөмеш бағанаһының (т.б.) 40 миллиметрына тиклем арттырып күрһәтәсәк;
– манжет кейгән ҡулығыҙ өҫтәл өҫтөндә ятмайынса һалынып торһа, т.б. 10 миллиметры өҫтәлә;
– үлсәгәндә, кәүҙәгеҙҙе ҡатырып, көсөргәнешле халәттә ултырһағыҙ – плюс т.б. 10 миллиметры;
– һөйләшһәгеҙ – плюс 15 мм;
– аяҡты аяҡҡа атландырып ултырыу 8 миллиметрны өҫтәй, сөнки аяктарҙа ҡан йөрөшө боҙола;
– манжет терһәк бөгөлөшөннән 2-3 см өҫтәрәк булырға һәм бик ҡыҫып тормаҫҡа тейеш;
– баҫымды бәүел ҡыуығы тулған һәм бәҙрәфкә барғы килгән ваҡытта үлсәһәгеҙ, таблолағы күрһәткес т.б. 15 миллиметрына артыҡ буласаҡ.
Тонометр манжетын кейгәндә, уңайлы итеп ултырығыҙ, мускулдарығыҙҙы йомшартығыҙ ҙа Бер нисә минут көтөгеҙ. Һуңынан үлсәй башларға ла була. Ошоларҙы иҫтә тотоп, дөрөҫ үлсәнгән АБ норманан әллә ни артыҡ та булмаҫҡа мөмкин.
2. Йылы ваннаға (тик ҡайнар түгел!) керергә. Йылы һыуҙа ҡан тамырҙары киңәйә һәм АБ яҡынса т.б. 10 – 15 миллиметрына төшә.
3. Тиҙ-тиҙ атлап йөрөп килергә. Ҡыҙыу йөрөү ҡан баҫымын 10-20 миллиметрға төшөрә.
4. Организмды кислородтан мәхрүм итәргә. АБны төшерөү өсөн, бейек тауға уҡ менергә кәрәкмәҫ, әлбиттә. Кислород ҡытлығын (гипоксия) тигеҙ ерҙә лә тоярға була. Гипоксикатор тип аталыусы махсус приборҙы Бер кем дә үҙе менән йөрөтмәйҙер, моғайын. Ә бына целлофан йәки ҡағыҙ пакет яныгыҙҙа булмай ҡалмаҫ. Ауыҙ-танауҙы ҡапларлыҡ итеп, пакетты битегеҙгә ҡуйығыҙ ҙа һулышығыҙҙы пакет эсенә сығарығыҙ. Һуңынан пакеттағы һауаны һулағыҙ. Билдәле булыуынса, һулап сығарған һауала углекислый газ күп. Киренән шул һауаны һулағач, углекислый газ ҡан тамырҙарын киңәйтә. Артериаль басым кәмей.
Авыл хатыны төркөмөнән