Бәүелдең ҡуйы-көрән төҫтә булыуы һиҫкәндерергә тейеш. Бының бауыр циррозы билдәһе булыуы ихтимал. Орган туҡымаһының самаһыҙ араҡы эсеү йәки хроник сир арҡаһында ныҡ зарарланыуы тураһында һөйләй был хәл. Шулай уҡ гепатит башланған булыуы ла ихтимал.
Күҙ алмаһының һарғайыуы гепатитҡа хас билдә. Был билдә липид алмашыныуы боҙолоуы хаҡында хәбәр итә. Бындай осраҡта бауыр ҡайһы бер дарыуҙарҙы насар тарҡата.
Ҡорһаҡтың уң яғындағы өҫкө өлөшөндә баҫып торған кеүек ауыртыныу һиҙелеүе бауырҙың май менән ҡапланыу (жировой гепатоз) ихтималлығына ишаралай.
Күҙҙең төҫлө шекәрәһе тирәләй йәшкелт йәки көрәнһыу төҫтәге балдаҡ бик һирәк осраусы Вильсон ауырыуы хаҡында иҫкәртә. Бауырҙа баҡыр матдәләр йыйыла, организм уны тейешле кимәлдә сығара алмай. Сирҙе иртә стадияла асыҡлау бик мөһим, тип иҫәпләй табиптар.