Даирә
+16 °С
Болотло
75 лет Победы
Бөтә яңылыҡтар
Һаулыҡ - ҙур байлыҡ
21 Ғинуар 2021, 17:10

Диспансеризация үтергә онотма!

Ауырыуҙы алдан асыҡлау һөҙөмтәһендә күптәр сирҙәренән бөтөнләй арына, йә булмаһа уларҙың киҫкенләшеүен туҡтатырға булышлыҡ итә. Был маҡсатта йыл һайын диспансеризация уҙғарылыуы тураһында күптәребеҙгә мәғлүм. Сәләмәтлекте хәстәрләүгә йүнәлтелгән профилактик эш, уның әһәмиәте тураһында үҙәк район дауаханаһы мөдире Земфира Ханнанованан һөйләүен һораныҡ.

- Ҡайһы бер сирҙәрҙең оҙайлы ваҡыт дауамында бер ниндәй билдәләре һиҙелмәүе мөмкин. Әммә ул етди эҙем­тәләргә килтереп, һаулыҡҡа ғына түгел, ғүмергә лә хәүеф янай. Шуға ла кешеләр һау­лыҡтарын ҡайғыртыу маҡса­тында диспансеризация үтеп, сирҙе иртә асыҡлай ала. Уны аҙҙырмайынса, башланғыс осорҙа дауалауы еңелерәк.
Уҙған йылда районда дис­пансеризацияны барлығы 2900 кеше (пандемия арҡа­һында был һан аҙ булды) үтте. Уның һөҙөмтәләре буйынса 10 яман шеш, 14 шәкәр диабеты, 22 ҡан йөрөшө системалары ауырыуҙары асыҡланды. Был, әлбиттә, асыҡланған сирҙ­әрҙең тулы исемлеге түгел.
Быйыл иһә 1982, 1985, 1988, 1991, 1994, 1997, 2000, 2003 йыл­дар­ҙа тыуғандар, шулай уҡ 40 йәштән өлкән булған бөтә граж­дандар ҙа диспансе­риза­ция үтә.
Һуңғы ваҡытта киң тарал­ған эсәк яман шешен асыҡлау өсөн йәшерен ҡанға тиҙәкте тикшереү бик мөһим. Бының өсөн быйыл 1981, 1979, 1977, 1975, 1973, 1971, 1969, 1967, 1965, 1963, 1961, 1959, 1957, 1956, 1955, 1954, 1953, 1952, 1951, 1950, 1949, 1948, 1947, 1946 йылғыларҙы саҡырабыҙ.
Күкрәк биҙе яман шешен тикшереү өсөн 1981, 1979, 1977, 1975, 1973, 1971, 1969, 1967, 1965, 1963, 1961, 1959, 1957, 1955, 1953, 1951, 1949, 1947 йыл­ғылар маммография үтәсәк.
1991, 1988, 1985, 1982, 1979, 1976, 1973, 1970, 1967, 1964, 1961 йылғыларға аналыҡ муйынты­ғының яман шешен асыҡлау ҡаралған. Диспансеризация үтеү өсөн үҙәк район дауаха­наһына һәм йәшәү урыны буйынса беркетелгән Алай­ғыр, Боҙаяҙ, Ҡабаҡ, Прибель­ский, Һәүәләй табиплыҡ амбулаторияларына мөрәж­ә­ғәт итергә кәрәк. Эш көн­дә­рендә (дүшәмбе-йома) 08.30 сәғәттән 17.00 сәғәткә тиклем һәм график буйынса шәмбе лә үтергә була. Тик­шерелеү өсөн ас ҡарын менән килеү мөһим.
Һүҙемде йомғаҡлап, шуны әйтергә теләйем: кешеләр һаулыҡҡа ҡарата иғтибарлы булһындар. Артыҡ тән ауыр­лығынан, насар ғәҙәттәрҙән һаҡланһындар. Быларҙың ҡан баҫымының артыуына, шәкәр диабетына, инфаркт һәм инсультҡа килтерергә ихтимал булыуын онотмаһындар ине.
Хөрмәтле райондаштар, медицина тикшерелеүен үтер­гә килегеҙ һәм етди сирҙәргә юлығыуҙан һаҡланығыҙ.
Фәниә Батыршина яҙып алды.
Автор фотоһы.
Читайте нас в